كشف عبد الناصر السعداوي، جزار بمركز الرياض بمحافظة كفر الشيخ، تفاصيل قرار غلق محل الجزارة الخاص به لحين استقرار أسعار اللحوم.
وقال السعداوي، في تصريح خاص لـ «الأيام» إن ارتفاع أسعار اللحوم زاد عن حده ولذلك قرر أن يبدأ بنفسه بغلق محل الجزارة في محاولة لخفض الأسعار.
غلق محل جزارة في كفرالشيخ
أضاف عبد الناصر السعداوي: الحكومة بتنادي بتخفيض الأسعار، الحل الناس تخف من الاستهلاك الناس لو ماكلتش لحمة مش هتموت، واللي بياخد لحمة يقلل الاستهلاك.
وتابع: لقيت الموضوع زاد عن حد والأسعار بتشد وإحنا بنجري وراها، اللي يوقف رفع الأسعار هو وقف الشراء.
وواصل الجزار عبد الناصر السعداوي: اللحم كان وصل 260 جنيه في الأرياف عندنا في مركز الرياض بمحافظة كفر الشيخ.
واستطرد: الموضوع مفيش فيه مكسب للجزار زي ما الناس بتردد إننا بنكسب في العجل 8000 و10000 جنيه، بنشتري كيلو اللحم القايم بـ125 جنيها للعجل البقري والعجل الجاموس بـ110 جنيها صاحي، ونسب تصافي اللحوم بتكون في حدود 60% من وزن العجل.