أوضحت الفنانة فيفي عبده، أن مهنة الرقص مهنة وفن محترم، وأنها عملت 37 عمرة، وقالت: “بجد تعبت من ظلم من الناس، وأنا متجهة لله 37 سنة وبروح شهر رمضان، بالنسبة لي حاجة مختلفة”.
وأضافت فيفي عبده: “ربنا هو اللي يديني المكافأة مش العبد، وأنا غلبت وزهقت وتعبت من ظلم الناس”.
وأضافت فيفي عبده، خلال برنامج “حبر سري”، مع الاعلامية اسما ابراهيم، على قناة القاهرة والناس، أنها لا تفهم في الدين ولا السياسة، والذي يفتي المتخصصين في الدين.
وتابعت بقولها: “دلوقتي كل واحد عايز يحكم على التاني بمزاجه، وكل واحد عايز يعمل قاضي، ولكن ده شيء بتاع ربنا مش العبد، ودي مهنة زي كل المهن وبتعب واشقى، وبروح بيتي ربنا عالم بيا”.
وروت فيفي عبده موقف، حدث لها أمام الكعبة قائلة: “في مرة بلف حول الكعبة، وكنت بعيد عنها ناحية الأبواب، ودعيت ربنا لو راضي عليا امسك الكعبة، وكأن المكان اتفتح، وألقي نفسي واقفة عند قدام الكعبة، وحسيت برضا من عند الله، وربنا رب قلوب مش مناظر وأشكال”.