قالت الإعلامية أسما شريف منير ردا علي الأراء حول قصة شعرها الجديدة، ونشرت عدة صور لها عبر حسابها الرسمي بموقع إنستجرام.
أول رد فعل لأسما شريف منير
وعلقت أسما شريف منير :”طيب اول حاجة شكراً علي كل ردود الفعل، الوحشة و الحلوة كلها، ساعات موقف زي دي بتخلي ناس تشوف ناس تانية عاملين ازاي مجرد انهم بيعبروا عن رأيهم، و شكراً لكل الناس اللي كانت خايفة و قلقانه عليا، ممكن بقي اقولكم الحكاية من وجهة نظري ببساطة”.
قصة أسما شريف منير مع اللوك الغريب
وأعربت أسما :”اولاً الحكاية جت بالصدفة جداً و كان قرار لحظي و انفعالي جداً و مش ندمانه عليه، تاني حاجة انا مش بعمل كده عشان اطلع ترند بس كنت عارفة اني هبقي ترند، في فرق كبير بين عايزه و عارفة، علي فكرة الترند ده نقمه مش حاجة حلوة خالص بس مش هدخل في الجدل ده دلوقتي، تالت حاجة انا الحمد لله كويسة و مبسوطة و مش واخدة الخطوة دي بسبب اكتئاب خالص بالعكس”.
واضافت إبنة شريف منير:”دي صفحة جديدة حلوة مليانه تفاؤل و قوة و ارادة و تحدي و جرأة و شجاعة و كل حاجة ايجابية في الكون، انا فعلاً من فترة كنت بمر بمرحلة صعبة جداً بس كنت في رحلة بقالي شوية بتعافي منها و بقف علي رجلي من الاول و كان اخرها رحلة دهب، فا تاني بالعكس ده مش اكتئاب ده مرحلة انتقاليه مؤمنه اني هحقق فيها حاجات كتير..اخر حاجة الجماعة اللي مكبرين الموضوع (ده شعري مش شعرك) حاجة كده بجد اخيرة (انا عاجبني شكلي جداً بصراحة، شكله جامد و مديني ثقه في نفسي جداً) بحبكم اوي بجد”.
كانت قد فاجئت المذيعة أسما شريف منير ابنة الفنان شريف منير، جمهورها و متابعيها بعدما نشرت فيديو قامت فيه بإزالة شعرها تماما وعلقت أن ذلك لأنها تعاني من حالة صحية تؤدي إلي تساقطه ففضلت إزالته بالكامل.
أول ظهور لأسما شريف منير بعد حلاقة شعرها
وتداول رواد مواقع التواصل الاجتماعي للصور والفيديوهات إنستجرام عدة صور لأسماء في أول ظهور لها بهذا اللوك من مهرجان القاهرة للدراما.
وتباينت التعليقات بعدما فاجئت أسما الجمهور، وجائت التعليقات كالتالي:” عملتي في نفسك كده ليه” وعلق اخر :” هو ايه ده بجد”، واضافت أخري:” انا مش فاهماكي بصراحة”.