قال الفنان ماجد المصري، إن دراسته في الأزهر منعته من القيام بالعديد من الأمور في عالم السينما، “أنا زعلت لما عملنا أنا وهاني رمزي فرقة بنات وبس، وحزنت أني عملت الدور ده، ومكنتش حابب الدور ده”.
ماجد المصري: “عملنا مقلب في راجل وإحنا عاملين فرقة بنات وبس”
وأضاف “المصري”، خلال لقاء خاص مع الإعلامية أسما إبراهيم في برنامج “حبر سري” المذاع عبر فضائية “القاهرة والناس”، أن غازله أحد الرجال خلال تخفيه في دور الست في فيلم “فرقة بنات وبس”: “كان راجل بيفهم وكنت عامل ست زي القمر الحقيقة، كان راجل بتاع كاوتش وقتها”.
وتابع ماجد المصري، أن الرجل لم يكن يعلم أنه ماجد المصري، وأنه فنان مصري، وكان معتقد أنه أنثى، “وأنا كنت شيطان وقتها، كنت عمال أغريه وأبين رجلي وبتاع، وهو كان مصدق بجد وحقيقي”.
وواصل: “هاني رمزي التاني كمل في المقلب شوية كمان، وقام قايل للراجل متشكرين يا حج، والراجل مصدق وكمل كلام معاها عادي، كان موقف يضحك”.