قالت الفنانة لقاء الخميسي إنها تعرضت للخيانة مرة واحدة في حياتها، وذلك أثناء فترة ارتباطها بشخص أثناء دراستها في المعهد.
وأوضحت لقاء لخميسي أثناء ظهورها في برنامج In Deep في العمق مع الإعلامي تامر شلتوت أنها كانت تعلم بوجود علاقاته النسائية الكثيرة ولم تعترض عليها في البداية.. لكن عندما علمت بأنه خانها، قررت أن تتركه نهائياً ولم تخبره بسبب اختفائها دون أن تترك له فرصة للتبرير أو الاعتذار.
وخلال حوارها مع تامر شلتوت قالت : دخلت كتير في علاقات فاشلة، وتعلمت منها إن مش كل اللي أنت عايزة هتاخده، هتاخد الراجل اللي تتكيف معاه، أنت هتحبه بعبله بالحاجات الكويسة وغيرها، مش هتقدر تلاقي شخص راسمه في خيالك.
وحول علاقتها بزوجها قالت عبد المنصف مش شبهي خالص، لكن الحاجة الوحيدة اللي مشتركة بينا إننا إحنا الاتنين طيبين
أضافت لقاء الخميسي : حبيت وأنا في المعهد مكنش حب جواز أو ارتباط، اتخانت مرة واحدة في حياتي، هو كان شخص بيخون على طول، وكنت عارفة إنه عارف بنات كتير هو كان مُز، لما خاني مشيت ومقولتلوش السبب، واتعاملت بالبلوك.
وتابعت الخميسي: على مدار حياتي متخانتش من أصدقاء كتير، لأني باخد بالي بصاحب مين، في ناس ضربت من تحت الحزام، بس مش مهمين في حياتي، وفي ناس مهمة خانتني، وزعلت وقعدت في البيت وعانيت، لكن تعاملت معاهم بالبلوك ومردتش على إهانتهم، لإني عارفة أني من جوايا كبيرة وميصحش أرد.
وأضافت الخميسي: أبويا أحسن راجل في الدنيا وروحي طلعت لما مات وبقيت عايشة في الدنيا وخلاص ولو رجع الزمان هفضل حضناه ليوم القيامة .