مسلسل “المداح أسطورة العشق” أثار حالة من الجدل في كافة الأوساط بواشتعلت السوشيال ميديا خلال الأيام القليلة الماضية بتحذيرات من مشاهدة المسلسل أو الترانيم التي يقوم بها صناع العمل لتحضير الجان .
وبدأ العديد من الأسر في منع أطفالهم من مشاهدة مسلسل “المداح أسطورة العشق” بعد شعور البعض في تواجد الجن بشقته أو منزله مما قلل من نسبة المشاهدات خلال اليومين الأخيرين .
وخلال الساعات القليلة الماضية كشف الفنان حمادة هلال عن إحتلال مسلسل المداح أسطورة العشق التريند بلا منافس و أن ما يتردد عليى السوشيال ميديا مجرد تكهنات .
وقال حمادة هلال “تريند محرك البحث الشهير “جوجل “بعمليات بحث متعددة تخطت الـ 10 عملية بحث بحث خلال الساعات الماضية بعد عرض 7 حلقات منه يملأهم الإثارة والتشويق وتغلب على نسب المشاهدات الخاصة بمسلسل “جعفر العمدة”.
على جانب أكدت الفنانة لوسي، مايتردد على السوشيال ميديا حول ظهور الجن بكثرة في المنازل قائلة “فعلا كواليس مثيرة ومرعبة من تصوير مسلسل المداح أسطورة العشق، وتعرضها للأذى من شخصية هند بنت الأحمر ملكة الجن، قائلة:”روحنا نصور في الفيوم عملت ميك اَب وكل حاجة وقلت هلبس لبس الجنية في فيلا صابر علشان المسافة من الفيلا للفندق بعيدة ومبقاش لابسة اللبس ده والدنيا حر جدا قبل ما اخش علي اللوكيشن في الفيلا بـ4 دقايق لقيت المخرج المنفذ هشام فتحي بيقولي انت فين ارجعي للأوتيل فيه عاصفة فظيعة والشجر بيخبط في بعضه، فقلت له مفيش حاجة على الطريق اللي جاي فيه، فقلت له أنا داخلة على الفيلا”.
وتابعت :”وانا داخلة مكان التصوير وفيه شجر ومفيش عاصفة ولا حاجة دخلت رسيبشن الفيلا في الفيوم لقيت الرموش الطويلة اللى مركباها بتتهز جامد من الهواء، وهما مقفلين فتحت لقيت الهواء بينطرني، فقلت بركاتك يا ست هند الأحمر ملكة الجن وقلت لهم سلام عليكوا ومصورتش”.وأضافت لوسي:”الشخصية اللى انا بلعبها في مسلسل المداح ، الجنية هند بنت الأحمر ملكة الجن عاملة شغل معايا، وانا قرأت حاجات وعملت حاجات علشان اعمل الشخصية”.
وأكدت:”هند بنت الأحمر موجودة تحت الأرض وبتلازمني لحد دلوقتي، وكل شوية بتطيرني، علشان كده لازم اقرأ قراَن، وكنت أقول المشهد من هنا واقرأ قراَن من هنا، باحلف بالله اني اتأذيت من هند بنت الأحمر ملكة الجن”.
وأكملت:”فيه جن طيب او جنية طيبة ومؤمنة ومسالمة وفيه جنية شريرة، وعلشان انا اعمل دور المداح كان لازم اعرف شكلهم وفيه كتب قرأتها وفيه حاجات وطقوس ليهم بس هما بيروحوا فين؟ الجن الطيب بيساعد الناس الطيبة والخيرة بأمر الله، وذاكرت الجنية هند بنت الأحمر وعرفت ان الشريرات منهم ضعفاء جدا بيروحوا للشخصية اللى نفسها وحشة وشريرة ويبتدي يشتغل عليها”.
وفي هذا الصدد، قال الشيخ محمد أبوبكر، مقدم برنامج «إني قريب» المذاع على قناة النهار، عن قضية زواج الجن من الأنس إن هناك طريقين لحسم الجدل في هذا الشأن، طريق شرعي وطريق عقلي، الطريق الشرعي يقول فيه الله عز وجل: «ومن آياته أن خلق لكم من أنفسكم أزواجًا لتسكنوا إليها»، وفي آية آخرى قال،: «والله جعل لكم من أنفسكم أزواجًا»
وأوضح أنه في قوله تعالى قال: «لقد جاءكم رسول من أنفسكم»، أي من جنسكم وقومكم، ولذلك من يقول إنه متزوج من جنى نقول له انت كاذب ولا يقبل قولك، فهذا الكلام مستحيل ولا يجوز شرعًا.
ومن جهه العقل قال الله تعالى: «خلق الجن من مارج من نار»، وفي آية أخرى قال «من نار السموم»، فكيف جن من نار يلتصق بجسد من الطين، لذلك لا يعقل أن يتزوج أو ينجب طين من نار، فكل ذلك هي أحلام من الشيطان يصيغها بعقل الإنسان من أجل فتنته فقط.
وأشارت:”بعد لما عملت شخصية هند بنت الأحمر ملكة الجن حصلي حاجات غريبة واحس ان حد بيلمسني بس علشان بقرأ قراَن كتير وأوضتي مفتوحة علي اذاعة القراَن الكريم 24 ساعة وبصلي فالحاجات دي كلها بتخليهم محلك سر بس بيلاعبوني شوية ويبعتولي حد يخضني “.