على الرغم من الشهرة الكبيرة والإعلانات الكثيرة لشركة معمار المرشدى إلا أن الشكاوى من تأخير التسليم ومخالفة بنود العقد والمبالغة في الغرامات على المتأخرات، وهو ما رصدناه من صفحات عملاء الشركة سواء في المشاريع القديمة، أو المشروعات الجديدة، وهو ما جعل العملاء الحاليين ينصحون المقبلين على التعاقد بالإبتعاد والتفكير في شركة أخرى.
ويقول “محمد حنفى” أحد عملاء الشركة بمشروع دجلة بالمز حدائق أكتوبر، موجها نصيحته لشخص ينوى التعامل مع الشركة، قائلا: انا هقولك تجربتي انا الشخصية مع معمار المرشدي.. اشتريت في كومبوند دجلة بالمز حدائق اكتوبر، شقتي كانت المفروض مرحلة تالتة والمرحلة الثالثة ديه كانت اكتر مرحلة فيها لاندسكيب.. التسليم اتأخر 3 سنين كاملين ولما جينا نستلم لقينا مافيش لاندسكيب عشان بني عليهم عمارات، طبعاً فيه قضية تعويض مرفوعة من الملاك دلوقتي عشان ده مخالف لبنود العقد.
وتابع قائلا: حصل ظروف قهرية خلتني اتأخرت عن سداد بعض الاقساط، وانا رايح ادفع المتأخرات اتفاجأت ان المبلغ اللي عليا هو ضعف المتأخرات، طيب ديه فلوس ايه الزيادة؟ قالولي فلوس الغرامات والفوايد عشان التأخر، يعني تتأخر بألف جنية تدفعهم الفين والتحصيل بيتم بطريقة غريبة يعني مثلاً لو مش عامل حسابك علي الزيادات ديه وواخد معاك مبلغ علي قد المتأخرات بس فا الفلوس اللي هاتدفعها هاتروح للغرامات والفوائد الأول ويفضل المتأخرات زي ماهي عشان يتحسب عليها غرامات تاني وديه اقل حاجة ممكن تتقال عليهم.. ده غير مليون سبب ممكن اقوله يخليك تبعد عن المرشدي خالص، بس عموما انت حر و ده قرارك في الاخر.