تصدر تريند مندوب التوصيل مواقع التواصل الاجتماعي خلال الساعات الماضية حيث تم نشره وتداوله على نطاق واسع جد من قبل رواد السوشيال ميديا.
صورة محتويات أودر مندوب التوصيل
تبين من محتويات أوردر مندوب التوصيل أنه عبارة عن فستان سواريه بأكمام ولا يوجد ما تم الإشارة إليه من احتواء الطلب على ملابس مثيرة وغير شرعية.
ترند مندوب التوصيل
قالت إحدى الصفحات على فيسبوك: من فترة طلبت حاجة أونلاين، حاجة تخصّ لبس البيت، بس الحاجة دي ممكن تتلبس خارج البيت وتكون غير شرعية، مايوه سبيدو عليه أول حرف من اسمي، ممكن يتلبس زي آندر سوبرمان عادي.
وأضافت: بعد يومين لقيت المندوب بيكلمني وبيسألني على المكان بالظبط، واسمي وسني وحالتي العاطفية وعلاقتي ببنات العيلة وقعدت أشرح له ولقى الشرح طويل لقيته بيقصّر في الكلام، وقال لي ممكن حضرتك تشرحي دا واتساب كتابةً، قلتله: تمام، تحت أمر حضرتك.
وتابعت: هو صورته كانت غريبة ولونه بنفسجي أنا افتكرته مرض جلدي يعني ربنا يشفيه ويعافيه، بس بعتله بعدها لقيت البنوتة اللي أنا طلبت منها الحاجة بتكلمني، ودار الحوار كالتالي:
– آسفة والله مش تطفل، بس هوّ حضرتك هتلبسي الحاجة دي خارج البيت؟.
– لا يا حبيبي، ما تقلقيش في غرفتي والحمام والسندرة وthe tap west بس، ومفيش أي تطفل أبدًا.
– آسفة جدًّا والله، بس المندوب لمّا شاف محتوى الشنطة قِلِق لأنه مش بيوصّل أي حاجة غير شرعية، وعمل عليكي تحقيق شامل وعرف روتين يومك وعناوين صاحباتك ومعلومات انتي نفسك ماتعرفيهاش، وهددني يقضي على نص البشرية لو المايوة ده اتلبس برة البيت، وكمان سألني هل أنا عرّفتك الديفوه اللي في المنتج والّا لأ، ولو كنتي على علاقة بكابتن أميريكا أو ليكي حد في الجمارك.
وواصلت: بصراحة اندهشت جدًّا من تصرّف المندوب وحِرصه على عدم الوقوع في أي مخالفة عشان كدا قررت أنزل رقم المندوب دا واسمه وأعمل له إعلان هنا -من بعد ما خليت زوجي استأذنه طبعا.