قال الدكتور علي جمعة، مفتي الديار المصرية السابق، إن إمامة المرأة تجوز في حالة واحدة فقط وهي أن تكون للنساء.
جاء ذلك رداً على سؤال طفلة في برنامج “نور الدين”، المذاع على الفضائية المصرية اليوم الجمعة، والتي قالت في سؤالها: هل ينفع البنت تقيم الصلاة وتكون إمام؟
وقال الدكتور علي جمعة: “آه ينفع تقيم الصلاة مع مجموعة بنات زيها، وكمان ينفع تقف تصلى إمام بيهم، ما دام كلهم بنات مفيش مشكلة”.
ووجهت طفلة ثانية سؤالاً للمفتي السابق قالت فيه: “ليه ربنا خلانا نلبس الحجاب فى الصلاة؟
فقال جمعة: “علشان تتقبل صلاتك، لأن لازم الهدوم تكون نظيفة والمكان نظيف وللعورة تكون مستور، لذلك البنات وهم بيصلوا لازم يلبسوا الطرحة ولو معملوش كده، عاملة زى اللى بيصلى من غير وضوء أو بيصلى عكس اتجاه القبلة، أو الصلاة فى غير وقتها “.
وتابع: “لازم نخلى بالنا من شروط الصلاة إحنا بنعبد الله كما يريد وليس كما نريد”.