تعيش الفنانة عبير صبري حالة من الحزن وذلك بعد ان رحل شقيقها عن عالمنا احمد صبري والذي تم دفنه بمقابر العائلة بمنطقة السيدة عائشة.
وطالبت الفنانة عبير صبري، من جمهورها الدعاء لشقيقها، وذلك عبر حسابها الرسمي على موقع التواصل الاجتماعي “فيسبوك” قائلة:” أرجو من كل اللى يعرفني أن يدعو لأخى الحبيب الشاب الطيب الحنون المهذب قطعة من قلبي أحمد صبري بالرحمة والمغفرة والجنة وأن يربط على قلوبنا وقلب أمي”.
وتابعت قائلة :” ياحبيبي ياحته من قلبي ليه ياحبببي تسيبنا وتسيب ابنك وتمشي كنت جميل وطيب وبتضحك وحنون علينا وعلي ماما ..ماما بتموت من غيرك واحنا مكسورين اوي وقلبنا اتقسم من الحزن ياريتني انا ولا انت ياحبيبي”.
وأردفت قائلة :”كنت تفضل لابنك وشبابك ..انا بحبك اوي يااحمد وربنا بيحبك وماما ومروه وهدير ومروان ابنك انا هخلي بالي منه وهيكبر وهيبقي احسن واحد في الدنيا وانت هتروح الجنه ان شاء الله وهشوفك قريب واجيللك وسلم علي بابا ربنا يرحمكم ويغفرللك يانور عيني ياخويا اللي حيلتي من الدنيا ياحبيبي”.