دعت الإعلامية ياسمين عز، متابعيها بالتصدق في الفترة الحالية وزيادة الصدقة خلال الفترة المقبلة، خاصة أنها تنير القلوب وتضفي سعادة غير طبيعية وسحرية في قلب كل شخص متصدق.
ياسمين عز: الصدقة لها مفعول السحر في القلوب
وقالت «عز»، خلال تقديمها برنامج «كلام الناس» المذاع عبر فضائية «إم بي سي مصر»، إن الصدقة واحد من الأمور التي لها مفعول السحر في قلب كل إنسان، وتساعد في إسعاد الأشخاص المتصدق عليهم بشكل غير طبيعي، «تصدقوا يا جماعة، وربنا هيضاعف لك الصدقة دي أضعاف أضعاف وهتشوف ده بنفسك».
وتابعت ياسمين عز: «على سبيل المثال لو عامل الدليفري جالك، دي صدقة مجانية مبعوتالك من عند ربنا عشان تتصدق عليه، خليك كريم معاه بزيادة، والله هتشوف فرحة في عينيه مش طبيعية، هيبقى ليها مفعول السحر في سعادتك وفي قلبك».
واستكملت، أنه يُقال أن الصدقة تقع في يد الله أولًا، ومن ثم في يد المتصدق عليه، «خليكم فاكرين الصدقة في يومكم يا جماعة، في ناس كتير محتاجة الصدقة دي، وربنا هيرد لك ده أضعاف أضعاف والله».