قدمت الإعلامية ياسمين عز، نصائح للسيدات في التعامل مع حماتها و«سلفتها» تحت مسمى «صراع السلايف على كل شيء هايف»، على حد قولها.
قالت ياسمين عز إن هناك عدد من النصائح لكل زوجة تستطيع من خلالها حماية نفسها من «صراع السلايف» في تعاملهم مع بعضهم البعض.
ياسمين عز تضع قواعد لحماية الزوجة من «صراع السلايف»
وقالت «عز»، خلال تقديمها برنامج «كلام الناس»، المذاع عبر فضائية «إم بي سي مصر»، إن هناك عدد من القواعد العامة للتعامل مع «السلايف» في المنزل:
يا بخت اللي حماتها بتحبها
أولها: «لو كنتي قاعدة انتي وسلفتك بتتكلمي وجت التالتة قالتلها تعالي بصي الصورة دي اعرفي انهم بيتكلموا عليكي، وفي الحالة دي لازم تروحي لحماتك وتتلزقي فيها هي اللي هتحميكي منهم، ويا بخت اللي حماتها بتحبها».
متروحش تشتكي من سلفتك أو حماتك برا البيت.. الكلام هيوصل
تابعت ياسمين عز: «القاعدة الثانية متروحش تشتكي من سلفتك أو حماتك برا البيت عشان الكلام هيوصل وهيتعملك مشاكل كتير بسبب الموضوع ده».
مرات أخو جوزك الكبير أقدم منك .. احترميها هتتقي شرها
وأردفت: «القاعدة الثالثة سلفتك مرات أخو جوزك الكبير هي أقدم منك ولازم تعامليها باحترام لأن المعاملة بالأقدمية في البيوت معاملة أمين الفصل، احترميها هتتقي شرها، وهتعيشي حياة سعيدة»
لو سلفتك بتتكلم عنك وحش من وراكي.. لا تفتشي في النوايا
واستكملت: «القاعدة الرابعة لو سلفتك من قدامك بتعاملك حلو ومن وراكي بيقولولك بتتكلم عنك وحش ملكيش دعوة، انتي ليكي باللي شايفاه ولا تفتشي في النوايا»
متحكيش لسلفتك كل حاجة.. مفيش حد ملاك
وواصلت: «القاعدة الخامسة متحكيش لسلفتك كل حاجة مفيش حد ملاك، مش لازم كل حاجة تحكيها لسلفتك».
واستكملت: «القاعدة السادسة مينفعش تمنحي سلفتك الفرصة للدفاع عنك في كل حاجة، ولو كانت مصممة على كده، علطول تروحي لحماتك هتفضلك الموضوع في ثانية».
لو جوزك بياخد فلوس من أخوه أو العكس ..ملكيش دعوة
وأتمت: «القاعدة السابعة لو جوزك بياخد فلوس من أخوه أو العكس ملكيش دعوة، ومتتكلميش في حاجة، ومتعمليش مشاكل مع سلفتك بسبب الحوار ده، جوزك ملوش دعوة».
اقرأ أيضا: