معنديش وقت أحضر للفرح .. حفل زفاف جميلة عوض والمونتير أحمد حافظ
حفل زفاف جميلة عوض والمونتير أحمد حافظ .. حلت الفنانة جميلة عوض وأسرتها ضيوفًا على الإعلامية والفنانة القديرة إسعاد يونس بحلقة الأمس من برنامج "صاحبة السعادة" المذاع عبر قناة dmc، في أول ظهور لها بعد زواجها من المونتير أحمد حافظ.
وتحدثت جميلة عوض عن تحضيراتها لحفل الزفاف على أحمد حافظ، قائلةً:"طول الوقت إحنا بنقرره ومابنبقاش فاهمين الفرح ده تحضيراته عاملة إزاي؟.
وأردفت:"الناس الطبيعية بيحضروا مثلًا للفرح، لما تيجي تكلمي حد عايزة تعملي فستان فرح، تقوليله أنا أكتوبر 2025 فرحي أو مثلًا عايزة المكان الفلاني أو حتى عايزة الماكياج الفلاني، بتقولي من قبلها بكتير".
وأوضحت جميلة: "يعني فيه أنا معزومة على أفراح السنة الجاية، فده عند ناس معينة منظمة بطريقة كده ده بيبقى عادي".
وأكملت: "أحمد مثلًا بيقول خلاص، إحنا مثلًا نبقى في فبراير، فأحمد يقول شهر 5 الجاي، نصطدم بالواقع إننا مثلًا ممكن نروح نقابل منظم أفراح هو بيسألنا أسئلة كتير جدًا على الواتس أب، إحنا ماعندناش وقت نرد على الشخص اللي عايزينا نقوله أجوبة إحنا عايزين إيه".
أضافت: "موضوع محتاج مجهود كبير جدًا على إنه ماينفعش يبقى حاجة بتحصل وسط الشغل".
وتابعت: "كل شوية نصطدم بالواقع، وفي آخر لحظة نقول ده إحنا مش لاحقين، طيب من دلوقتي بقى من بدري نخليها أكتوبر الجاي، فتحصل أحداث تكون بتهز العالم فنأجل تاني".
جميلة عوض: "التجهيز الحقيقي للفرح بدأ من رمضان"
وأضافت جميلة: "والفرح الفترة دي هو التوضيب يعني ابتدينا نوضب من بعد رمضان، بس فكرة اللي هو الحاجات الأساسية بتاعت حجز المكان ودي كنا بنحضر للمكان قبل كدة ".
وعما إذا كانوا قاما بالتحضيرات منفرديْن أم ساعدتهما عائلتهما، قالت جميلة: "لأ لوحدنا، إحنا بنحضر لوحدنا التحضيرات، هما لا بالعكس كان آراؤهم نعمل في أماكن تانية وحاجات تانية علشان الموضوع يبقى أسهل".
واستكملت: "إحنا بنحضر إحنا بس مع صحابنا، منظمين الأفراح بتوعنا كانوا صحابنا".
جميلة عوض: "اختيار عمرو يوسف شاهد على كتب الكتاب كان طبيعي"
وعن من الذي اختار الفنان عمرو يوسف شاهدًا على عقد القران، أتمت جميلة: "هو أحمد كان الشاهد بتاع عمرو يوسف، هما أصدقاء مقربين من زمان أوي مثلًا من 20 سنة، هو مش كان حاجة بينقي هو كان طبيعي default، يعني الشهود عارفين نفسهم من بدري وخلاص".
حفل زفاف جميلة عوض وأحمد حافظ
يشار إلى أن جميلة عوض كانت احتفلت بزفافها على المونتير أحمد حافظ مطلع يونيو الماضي وسط حضور عدد كبير من نجوم الفن.
آخر أعمال جميلة عوض
وآخر أعمال الفنانة جميلة عوض مسلسل "لانش بوكس" في رمضان الماضي وشاركت في بطولته مع الفنانة غادة عادل، الفنان أحمد وفيق، الفنانة فدوى عابد وآخرين.