وحقيقة عودتها لحسام حبيب
بعد أزمة روتانا.. شيرين تهاجم المحامين: “أنا مش ضعيفة عندي سنان حامية”
تستمر شيرين عبد الوهاب في جلب المزيد من الأزمات لحياتها، إذ تفتح أبواب النيران عليها من جديد، بعد تصريحاتها الأخيرة في مداخلة هاتفية مع الإعلامي عمرو أديب عن أزمتها مع شركة روتانا.
مداخلة شيرين عبد الوهاب مع عمرو أديب
تسببت شيرين عبد الوهاب في أزمة جديدة مع محاميها المستشار القانوني ياسر قنطوش، بعدما صرحت في مداخلة هاتفية مع الإعلامي عمرو أديب.
كانت بدأت شيرين مداخلتها الهاتفية، بتقديم الشكر لبرنامج الحكاية، وللناقد الفني طارق الشناوي، لكونهم يقفون بجانبها، ويفسحون لها المجال للحديث باستفاضة عن أزمتها.
وقالت شيرين عبدالوهاب: أنا بشكر حضرتك علشان برنامجك ناجح، وبشكر الناقد الكبير طارق الشناوي وبشكر كل اللي اشتغلوا معايا في الأغاني اللي نجحت وكسرت الدنيا دي".
وأضافت: مع كامل احترامي لكل اللي اتكلموا، قسما بالله كل كلامهم غلط، حتى المحامي بتاعي، لأنه موضحش للناس الموضوع، الموضوع لازم الناس تعرفه، أننا مطربة دولية وعلى مستوى الوطن العربي، ومع كامل احترامي للأستاذ اللي اتكلم اللي معندوش شعر ده معرفش اسمه ايه، تقريبا رضا، قال بعد ما خدنا نضفنا ولمعنا، روتانا وخداني نجمة الوطن العربي يا أستاذ عمرو، بعد ألبوم لازم أعيش اللي عملت فيه أغنية على بالي، العقد اللي بينا بينص على إن شيرين لو متعملهاش دعايا توازي حجمها دوليا وعربيا يعتبر العقد لاغي، دي أول حاجة أهي".
وتابعت “شيرين”: سلمتهم في وقت كورونا أغنية مش قد الهوى متعملهاش دعاية بخمسة جنيه، سلمتهم أغنية تانية كلها غيرانة، نجحت جدا وكسبوا منها جدا ومتعملهاش دعاية بستة جنيه، وسلمتهم الأغنية التالتة اسمها خاصمت النوم، اتعودت أسكت علشان بيتقال شيرين بتاعة مشاكل فليه شيرين متبقاش شيك وتسكت، بيقولك دي مسلمتش التنازلات طب انتوا ليه مستنيين للأغنية الرابعة علشان تسألوا عن التنازلات، دي أول كدبة اهي".
استطردت شيرين: "كان عندي واحد اسمه كريم الحميدي ومعروف جدا وشغال في راديو معروف جدا، كان ماسكلي شغلي، فجأة لاقيته بايع أغنية ليا لشركة أنغامي من غير علمي، فأنا لما عرفت مشيته من الشغل، وأنا وقتها كنت مع روتانا، فإزاي يسلم أغنية لشركة منافسة لروتانا من ورايا، ومفيش ورقة أنا مضيتها تنص على إني بعت حاجة لأنغامي، وروحت كلمت مدير روتنا في مصر، قولتله يا حبيبي انت من حقك دلوقتي تبعت انظار للشركة دي وترفع عليهم قضية وتاخد حقك من الشركة دي، اللي حصل انهم بعتولي أنا الانذار ده وخدوا مني أنا ال8 مليون جنيه، معرفش ازاي القضاء المصري حكملهم بحاجة زي كده، مفيش ورقة بتديني يا أستاذ عمرو، أنا لا أشك في نزاهة القضاء المصري، بس معرفش ازاي ده".
شركة روتانا ترفض الأغاني ويطالبوني بالحفلات اللايف
أشارت شيرين عبد الوهاب إلى أن شركة روتانا والقائمين عليها، برفضون أن يطرحوا أغانيها، مؤكدة أن هناك مؤمرة عليها، كي لا تنجح وتظل بالبيت.
قائلة: روتانا عايزه شيرين عبد الوهاب في حفلات حصري، مش عايزين أغاني، هما عايزين شيرين في حفلات حصري، علشان الفلوس اللي باخدها في الحفلات كتير، هما عايزين أي حفلة أعملها تبقى بالاتفاق معاهم، وده مكنش اتفاقنا، ده رزقي ورزق عيالي مش هاسيبها لحد".
قائلة: قولت في آخر مؤتمر صحفي، إن روتانا معاها الأغاني بس هي اللي مش عايزه تنزلها، فيه مؤامرة إني أقعد في البيت، أنا مكنتش بتكلم، أنا دلوقتي صوتي ده مش هيتقطع أبدا، وهفضل راكبة القطر بتاعي وماشية، ومحدش هيقدر يوقفني، وهفضل أغني".
شيرين عبد الوهاب تهاجم محاميها في مداخلة هاتفية
هاجمت شيرين عبد الوهاب كل المحاميين اللذين تبنوا قضيتها مع شركة روتانا، مطالبة جمهورها بالدفاع عنها، لإنهم حصنها الحصين، قائلة: أنا بناشد القضاء المصري، زي ما تحكملهم بالغلط انهم ياخدوا مني 8 مليون جنيه، ومعرفش المحامي بتاعي ده بيشتغل ايه بالظبط، مش عارفة إزاي ياخدوا مني 8 مليون جنيه، بس مش مشكلة أنا بناشد القضاء زي ما حكملهم ياخدوا الفلوس بالسرعة دي، يبصوا برضو في القضايا اللي انا رفعاها ضدهم ويحكموا فيها بسرعة".
وأضافت شيرين عبد الوهاب: "سكوتي خلاهم يشوفوني ضعيفة، أنا مش ضعيفة، أنا قرش وعندي سنان حامية أوي وبتطلع وقت اللزوم".
وتابعت: الكل يلزم حده ومحدش يجيب سيرتي، أنا فنانة كبيرة أوي وجمهوري كبير أوي وجمهوري اللي هيوقفلهم، معلش كل الناس اللي اتكلمت دي مبصوش في ورقة، وعايزة أقولك حاجة اخيرة أنا سجن النسا واحشني جدا، نفسي أجرب سجن النسا جدا، أنا جسمي نحس خلاص، قولهم بقى وناشد الدولة تحميني، مش هيحصل أبدا إني اتصالح أبدا، هتصالح مع حد قعدني في البيت 5 سنين، ده لا يمكن أبدا".
رسالة شيرين عبد الوهاب لـ حسام حبيب
كما دعت الفنانة شيرين عبد الوهاب لطليقها حسام حبيب في مداخلتها مع عمرو أديب، قائلة: اتصالح مع حد قعدني في البيت 5 سنين، والحمد لله كل حاجة تمام، وربنا يوفقه ويسعده ويكرمه ويوفقني أنا كمان، أنا قلبي وجعني من يومين عشان مش مصدقة النجاح ده، قسما بالله أنا مش مصدقة النجاح ده كله، كلمت الدكتور من يومين قولتله قلبي وجعني بسبب الأغاني دي هي الأغاني دي فيها ايه، الحمد لله أنا ربنا كرمني أوي أوي".
