"ابني وحبيبي ".. سر بكاء تامر حسني بعد قراءة بوست محمد سامي
رد الفنان تامر حسني على المنشور الذي نشره له المخرج محمد سامي وتذكر بداية مشوارهم الفني، وتعاونهم معا لأول مرة في مسلسل “آدم”.
خلتني أدمع يا سمسم
كتب تامر حسني معلقا على منشور محمد سامي على موقع تبادل الصور والفيديوهات "إنستجرام": “يا سامي يا حبيبي يا ابن الناس الطيبين، شكرا من كل قلبي على كل حرف خارج من قلبك وأنت كتبته في حقي، خلتني أدمع يا سمسم، أولا أنا صدقت موهبتك من وأنت صغير سنا لأنك فعلا موهوب موهبه مش عادية وتاريخ نجاحاتك يشهد بكده، كنت عارف وأنا بقدمك إنك مكسب حقيقي للصناعة ومن يوم ما سجلت رقمك على تليفوني وهو مكتوب سامي ابني”.
إصراري على تقديمك كان بقلب أب مش صديق من سنك
تابع "حسني": "إصراري على تقديمك كان بقلب أب مش صديق من سنك، لكن أب مصدق في ابنه وعارف إن الناس مش هيدوله فرصة يطلع عشان سنه صغير، الحمد لله برحلتك ورحلتي أثبتنا للدنيا أنها مش بالسن لأ، بالمجهود والتعب والشطارة والمذاكرة وأنت كل الصفات دي كانت فيك، وأنا لوحدي اللي عارف، عشان كده صممت إن الدنيا كلها تعرف معايا حجم موهبتك الحقيقي، حتى أعمالي اللي من إخراجك ليها مكانة خاصة في قلوب الناس".
استكمل تامر حسني في تعليقه لـ المخرج محمد سامي: "مسلسل آدم، وفيلم أهواك، وفيلم تصبح على خير، ولسه إن شاء الله نجاحات جايه مستنيانا مع بعض، ربنا يوفقك يا حبيبي في كل شغلك اللي جاي، وتكسر الدنيا وفي القمة زي عادتك، يا محمد شكرا تاني على البوست الصادق ده شكرا يا أصيل يا محترم، ربنا يخلينا دايما لبعض ضهر وسند".
ربنا يرزق الناس باللي يساعدهم
وفي نفس السياق قد نشر محمد سامي صورة قديمة له مع تامر حسني، وهو يتذكر بداياتهم معا، وتمسك تامر حسني له ليخرج مسلسل "آدم" وتشجيعه الدائم له ووقوفه بجانبه واختتم محمد سامي منشوره لـ تامر حسني قائلا: "بحبك يا صاحبي وتستاهل كل حاجة حلوة يا أجمل قلب، ويارب يرزق كل الناس بالي يساعدهم على تحقيق أحلامهم، زي ما رزقني بـ تامر حسني".
