طالب الإعلامي أحمد موسى، بزيادة حجم المشروعات والاستثمارات في مصر، مؤكدا أن أي مشروع يتم إنشاؤه في مصر فهو رابح.
وقال أحمد موسى، خلال تقديمه برنامج «على مسئوليتي» الذي يعرض عبر فضائية «صدى البلد»: «أي حد بييجي مصر كسبان، أي مشروع بيتعمل في مصر كسبان، أي مستثمر بيضخ فلوسه في مصر كسبان، محدش بييجي هنا وبيخسر،»، مضيفا: «أنت عندك شعب فيه 100 مليون بياكل ويلبس ويتفسح ويسافر، إحنا عندنا في المصايف أكثر من 4 ولا 5 ملايين بيصيفوا، حجم إنفاقهم كام؟ مختلف الطبقات طبعا، من هنا وهنا، لكن عندك على الأقل 4 أو 5 ملايين دا لو مكانش أكتر».
وتابع موسى: «البلد تستوعب حجم مشروعات كبير، مهما تعمل مشروعات البلد محتاجة علشان أنت بتزيد كل سنة 2 مليون، أنت محتاج الاستثمار والمشروعات والأيدي العاملة، هو أنا كل سنة عندي خريجين 800 أو 900 ألف هوديهم فين، عايزين يشتغلوا هعملهم إيه، عندك شغل، وعندك مشروعات، وعندك ثقة، لو معندكش ثقة مكنتش تقدر تعمل سندات دولية على 40 سنة».