قالت المطربة السورية أصالة، بدعي ربّي يجمعني بحبايبي وأهلي بوطني الغالي قريب وطالما مازال الخير موجود الأمل دائماً موجود
وأكدت أصالة في منشور لها عبر صفحتها الرسمية بموقع التواصل الاجتماعي “فيس بوك”، “في مرّات بيكون فيه ليالي وكأنّها هربانه من حلم .. وبما إنّنا مُحاطين بالكوابيس والآلام وواقعنا عم شفا حفره من الإنهيار .. وغرقانين ببحر هموم مابين مبارح واليوم حتّى بكره .. صرنا بحاجة قشّه نتعلّق فيها بلكي بتوصلنا على شي بر”ّ .
وأضافت، “امبارح ماكنّا أنا وفرقتي لحالنا عالمسرح عم نقدّم مساعده نفسيه إلنا وننقلها للموجودين .. كلنا حسينا إنّنا بوسط حشد من أرواح طاهره عمّ تعزف معنا وتغنّي وعلينا ورحنا بعيد وتركنا بمطرحنا الهمّ أمانه لنرتاح ونرجع تقوى علينا نلاقي له حلّ ودائماً الحلول مابتنوجد إلّا لمّا نهدى شوي”.
وأكدت، “امبارح حسّينا بحضن كبير كلنا تجمّعنا فيه والمحبّه كانت نقيّه صافيه مندفعه طفوليّه لمستنا كلنا بدون إستثناء .. وأحلى شي صار مبارح إنّنا قدّمنا هالمعونه ممزوجه بالفنّ والطّيب بداية منّ صانع هالليله الغير عاديّه الكريم الرجل اللي بفتخر بأخوته وصداقته السيّد عمر الدّهماني من الإمارات العظيمه اللي قدّم كلّ ريع الحفل لأهلنا بسوريا الممتحنة سوريا التاريخ والأصاله الموجوعه وصرختها صارت الأعلى بين كلّ بلادنا الموجوعة”.
واختتمت كلماتها، “بدعي ربّي يجمعني بحبايبي وأهلي بوطني الغالي قريب وطالما مازال الخير موجود الأمل دائماً موجود .. شكراً دبي على وجودك زهره نشوفها ونستمتع فيها مصدر أمان وسعاده للعالم أجمع”.