قالت الفنانة لوسي، إنها لا تخاف أن تموت وهي ترتدي بدلة الرقص، لأنها تقدم أمر طبيعي بالنسبة لها، “أنا مبعملش حاجة تحت السرير أو فوق السرير، أنا بعمل حاجة في العلن، والناس كلها شايفاها، ومفيش حد مش بيشوفها”.
لوسي: مكتوب على جبيني اني هبقى رقاصة
وأضافت “لوسي”، خلال لقاء خاص مع الإعلامية بسمة وهبة، في برنامج “العرافة” المذاع عبر فضائية “المحور”: “زي ما الدكتور بيبقى لابس البالطو بتاعه، والكناس بيلبس اللبس بتاعه، والممثل بيرتدي لبس المجرم أو المحامي، أنا بعتبرها مهنة زي أي مهنة “.
وتابعت لوسي، أنها تقدم فن من خلال الرقص، ومصر معترفة بفن الرقص، ومرسوم على جدران قدماء المصريين، “وأنا مكتوب عليا أكل عيشي من الرقص، ومكتوب على جبيني أن هبقى رقاصة، واشتغل في الأفراح الشعبية”.
وأردفت، أن كل ما حدث في حياتها أمر مكتوب لها ومقدر لها، وهي تؤمن بذلك، “قدامي نار وقدامي بحر، أروح للنار ولا أروح للبحر، أروح للبحر، وأنا اخترت البحر من خلال اختياري الرقص”.