خرج الفنان حسن شاكوش عن صمته بعد تصريحات طليقته ريم طارق عن خيانته لها مع فنانة مشهورة، حيث قالت ريم طاق:”حسن خانني في نهار رمضان مع ممثلة تالت حرف من إسمها “ر”، ورجح الجمهور أنها الفنانة حورية فرغلي.
رد حسن شاكوش علي إدعاءات الخيانة من ريم طارق
فرد حسن شاكوش وكتب عبر صفحته الرسمية بموقع فيس بوك قائلا: “جمهوري الغالي كل معاني الشكر ليكم ولكل شخص متفهم الموقف وشاركني البوست أنا شفت معظم التعليقات ومحترم كل شخص وكل كلمة حتى لو هيا عكسية الحقيقة دائما عند ربنا وسكوتي وعدم ردي شئ مريحني أكتر من الكلام ولكن في شئ يخص فنانة جميلة كلنا بنحبها وبنحترمها وحقيقي أنا لا أعلم صحة الكلام اللي بيتقال ولكن أنا من خلال صفحاتي الرسمية بحب أقول إن الفنانة حورية فرغلي لا يمسني بيها أي شيء غير أنها زميلة وصديقة عمل”.
تعليق حسن شاكوش علي إنتشار إسم “حورية فرغلي في قصتهم”
وأضاف حسن شاكوش: ومش فاهم سبب وجود سيرتها في الموضوع إيه من خلال البرامج أنا دلوقتي كلامي للإعلام أرجوكم بلاش تشاركوا الناس كلام غلط كفاية كلام في تفاصيل وحياة شخصية اللي ظاهر للناس يخص الناس أنا دلوقتي بمتنع عن أي كلام في حاجة تخص حياتي الشخصية أرجوا احترام رغبتي وكل التقدير ليكي يا فنانة يا كبيرة وبعتذر ليك مرة أخرى عن أي شئ اتحطيتي فيه.
رد حسن شاكوش علي تصريحات طليقته
وعلق حسن شاكوش :”مساء الخير يا جماعه، يمكن من ساعة الحوار ما خلص ومن اخر فترة انا كتبت فيها وقولت ان هسكت ومش هحكي اي تفاصيل عن انسانة كانت في يوم من الايام عايشة معايا ومراتي احتراما للي كان بنا وان انا راجل اتربيت في بيتي”.
وأضاف حسن شاكوش:” بس عارفين ببقي بعد كل فترة بيحصل فيها كلام كتير او ضغط من كل اللي حواليا ببقي عايز اطلع واحكي تفاصيل كتيره ادافع بيها عن نفسي بس برجع واقول هرد بكلام والكلام هيجيب كلام ومش هنوصل لحلول بس كل اللي اقدر اقولوا ان مفيش عين تصدق غير اللي تشوفة ربنا يهدي الجميع ويعدينا منها علي خير واسف ان طولت عليكم”.