أحمد مكي ودنيا سمير غانم رفضوا المشاركة في إعلان بيبسي الجديد 2024

رفض الفنان أحمد مكي والفنانة دنيا سمير غانم المشاركة في إعلان بيبسي الجديد 2024، تأكيدا على مقاطعتهم ودعمهم للقضية الفلسطينية ضد الكيان الصهيوني. 

في ناس اتصرف عليها فلوس وفي ناس اتصرف عليها أصول وفيه ناس ولا اتصرف عليها فلوس ولا أصول والمواقف هي اللي بتبين المعادن ومش كل قديم يبقا أثر، وأحمد مكي ودنيا سمير غانم اتصرف عليهم فلوس وأصول والاتنين معادنهم من دهب. 
ده كان مدح الجمهور على السوشيال ميديا لقرار مكي ودنيا انهم يرفضوا يشاركوا في اعلان بيبسي تضامنًا مع المقاطعة اللي بيعملها المصريين، وقرروا انهم يحترموا مشاعر اخواتهم في الأماكن التانية اللي بيعانوا في كل يوم، رافعين شعار "متشربش دم اخواتك" 
وبدأ الجمهور يدعمهم ويقف جنبهم ويقول انهم مش زي ناس تانية بتجري ورا الفلوس، وانهم شبعانين ومش محتاجين لكام مليون زيادة
اهم هما خسروا شوية من الفلوس اللي كانوا هياخدوها، لكنهم كسبوا اللي اكتر بكتير من الفلوس، كسبوا احترام الناس ليهم واحترامهم لنفسهم.

موقع الأيام المصرية، يقدم لكم تغطية شامل ومتنوعة لكافة الأخبار والأحداث المحلية والعالمية، فى شتى المجالات، السياسية، الاقتصادية، الاجتماعية، الرياضية، الفنية، ونرصد لكم الخدمات الهامة سعر الذهب، سعر الفضة، سعر اليورو، سعر الدولار، سعر الدينار الكويتي، سعر الريال السعودي.