إلهام شاهين تبرر تصريحاتها عن الصلاة: فيه أشغال مينفعش تسيبها وتروح تصلي(خاص)
أثارت الفنانة إلهام شاهين مؤخرًا حالة من الجدل، بسبب تصريحاتها الأخيرة عن أولوية استكمال العمل على حساب فريضة الصلاة حتى تصدر الترند .
ودخل على الخط عدد من نجوم الفن والوسط الإعلامي وآخرهم الداعية عبدالله رشدي والإعلامية أميرة بدر.
ويحرص الأيام المصرية على تقديم تغطية كاملة لإحداث الوسط الفني ونقل الصورة بشكل أكثر وضوح وشفافية، وحرصًا على توضيح وجهة نظر الفنانة إلهام شاهين عن المقصود بتصريحاتها الأخيرة.
كشفت إلهام شاهين في حوار خاص للأيام المصرية باستفاضة عن المقصود من حديثها، وعن تعمد كثيرين الحديث حول اسمها بسبب "التريند" واستغلال شهرتها واسمها.
إلهام شاهين: "بيستفزوني.. عشان أرد عليهم ويدخلوا التريند"
قالت إلهام شاهين عن عدم ردها على الهجوم من بعض الإعلاميين والدعاة، قائلة: "أنا لو رديت على كل واحد هديلهم أهمية.. هما كلهم عايزين يتكلموا في الموضوع عشان أنا أرد ويستفزوني... ويبقي في جدال بينا.. فيبقوا موجودين في التريند".
إلهام شاهين: "مش لازم تصلي أول ما الأذان يأذن.. في ساعتين بين كل صلاة"
أكدت إلهام شاهين على رأيها وقالت:"أنا رأيي اللي قولتله من عشرين سنة وهو رأيي دلوقتي ومش هيتغير مفيش حاجة أقولها جديدة تاني.. والشغل قبل الصلاة وبين الصلاة والصلاة في ساعتين ممكن تصلي خلالهم مش لازم أول ما يأذن الأذان".
وأضافت قائلة: "مش لازم أول ما يأذن الأذان تروح تصلي.. خلص شغلك الأول.. وإلا بقي الدكتور هيبقي فاتح بطن المريض والأذان يأذن فيسيب بطن المريض مفتوحة ويروح يصلي".
واستكملت قائلة: "مينفعش حارس على مكان يسيب مكانه عشان ميعاد الصلاة فالمكان يتسرق أو يحصل جريمة، في أشغال بتكون مسئولية مينفعش نسيبها".