ماجدة خير الله: أغاني محمد رمضان هايفة زيه والجمهور "قليل الأدب" (خاص)
كشفت الناقدة ماجدة خير الله عن رأيها في أغنية “مش فاضي” لـ محمد رمضان، والتي طرحها منذ أيام عبر موقع يوتيوب ومنصات الموسيقى المختلفة.
رأي ماجدة خير الله في أغنية محمد رمضان
دافعت ماجدة خير الله في تصريحات خاصة لموقع الأيام المصرية، عن محمد رمضان بعد طرحه أغنية مش فاضي، والتي أثارت غضب الجمهور فور طرحها عبر يوتيوب.
قائلة: سمعت الأغنية، بس فين المشكلة؟ هل القانون ممكن يعاقب على حاجة محصلتش؟ لأ، هو مقالش حاجة، يبقى كلمة محصلتش، الناس هي اللي قليلة الأدب، لإن هي اللي حطت الكلمة.
وتابعت ماجدة خير الله: طيب هتقولي أصلها أصلها على وزن مش على وزن يعني.. لأ، ما الفن مفهوش كده، هل في كلمة واضحة؟ هل هو قال كذا؟ لأ، ما قالش أنت اللي قلت.
رأي ماجدة خير الله في أغاني محمد رمضان
كما كشفت ماجدة خير الله عن رأيها في اللون الغنائي، الذي يقدمه محمد رمضان، منذ بدأ رحلته في عالم الفن والغناء، في تصريحاتها لموقع الأيام المصرية.
قائلة: الأغنية مفيهاش حاجة وأنا شايفة إنها أغنية هيفا عادية، يعني زي اللي قبلها و زي أغاني كتيرة جدًا موجودة في السوق يعني.
وتابعت: لكن أنا بحبها، أومتحباش خلاص، ما هيش أغنية عظيمة ولا أغنية تطريبية، ولا حاجة، يعني واخد بالك أغنية، الغرض منها حاجة خفيفة تليق بمحمد رمضان.
وعن رأيها فيما يقدمه محمد رمضان من أغاني، قالت: هو ده اللي هو بيقدمه، هو قبل كده كان بيغني الأطلال مثلا؟
دفاع ماجدة خير الله عن أغنية محمد رمضان
وبخصوص غضب الجمهور من كلمات الأغنية التي تدور حول بعض الإيحاءات المخالفة للآداب العامة في المجتمع المصري.
وعن سؤال هل جزء كبير جدا من الجمهور، كده تفكيره غلط؟
قالت خير الله: الجمهور حر، الجمهور عنده هوس، فيه حاجة اسمها التفكير الجماعي المهووس، وحتى لو هو بيقصد كده، بس ما قالش.
وتابعت: كل واحد خياله من أخلاقه وتفكيره، وهل القانون يعاقب على الخيال.. لا طبعًا مافيش، كل واحد خياله من أخلاقه ومن تفكيره، هو يعني اللي بيحلم إنه نايم مع واحدة، هو اللي عايز ينام معاها.
