أحمد سعد يبتكر ديوهات فنية جديدة في كل حلقة من "بيت السعد"
يقدم الفنان أحمد سعد في كل حلقة من برنامج "بيت السعد"، تجربة فنية مميزة من خلال تقديم ديو غنائي مع ضيف البرنامج، مما يضيف لمسة مميزة وفريدة إلى كل حلقة، وتخلق هذه التجربة فرص جديدة للتعاونات الفنية بين أحمد سعد وأبرز النجوم.
من خلال هذه الديوهات، يقدم سعد تجربة موسيقية غنية تجمع بين الإبداع والتجديد، مما يزيد من التشويق والجاذبية للبرنامج، ويمنح كل حلقة شكل وطابع فريد تتميز به.
ويرصد الأيام المصرية الدويوهات الغنائية التي تم تقديمها خلال الحلقات الأولى من برنامج “بيت السعد”
أحمد سعد يستعد لطرح أغنية “نغزة”
حلت الفنانة يسرا ضيفة بـ برنامج “بيت السعد” في الحلقة الرابعة، وتم عرضها أمس الأربعاء، وقدم خلالها الفنان أحمد سعد ديو غنائي مع الفنانة يسرا بعنوان “نغزة”، ومن المقرر أن يطرحها سعد قريبًا على قناته على اليوتيوب.
أحمد سعد يطرح أغنية “أه ولا لا”
وحل الفنان أحمد حلمي ضيفًا في أولى حلقات برنامج “بيت السعد”، وتضمنت الحلقة العديد من المفارقات الكوميدية والكشف عن أسرار فنية وعائلية.
وقدم الفنان أحمد سعد بمشاركة شقيقة الفنان عمرو سعد والفنان أحمد حلمي أغنية “أه ولا لا”.
كلمات أغنية “أه ولا لا”
في دماغي اتنين قاعدين يتخانقوا، ده يقول اه وده يقول لأ، واحد عاشها في دنيا لوحده، التاني عايشها في وسط الخلق، واحد قاعد ساكت خالص، بس التاني بيموت فالحرق، وأنا محتار بين الأتنين مش عارف اطلع منهم فن، أنا هصرف ولا أحوش، وهركز ولا هطنش، أنا هقفش ولا هفرفش، أنا هعمل ده ولا ده، أنا هبعد ولا هقرب طب، أهوش طب ولا أضرب، محاولش ولا أجرب، محتار بين ده وده، أه ولا لأ، أه ولا لأ، أه ولا لأ، مش عارف أختار، أه ولا لأ، أه ولا لأ، أه ولا لأ، أنا كده محتار، أه ولا لأ، أه ولا لأ، أه ولا لأ، مش عارف أختار، أه ولا لأ، أه ولا لأ، أه ولا لأ، أنا كده محتار، جوايا اتنين مع بعض أختلفوا، أنا جوايا اتنين غير بعض، واحد قالي أوصل للسما، والتاني بيقولي خليك عالأرض، واحد بيفوت ويعدي بس التاني جاهز بالرد، لو ماشية معاه بالطول، التاني عايز يمشيها بالعرض.
أحمد سعد يطرح أغنية “حظي من السما”
وحلت الفنانة إليسا ضيفة ببرنامج “بيت السعد” في الحلقة الثانية، وطرح الفنان أحمد سعد أغنية “حظي من السما”.
كلمات أغنية “حظي من السما”
الدنيا راقتلي أول ما عينيك ضحكتلي، مبسوطة إن أنت معايا ودي أجمل حاجة حصلتلي، الدنيا خدتني بس أنتي عينيكي خطفتني، مش فارقة الدنيا معايا وأنا جنبك إيه إللي ناقصني، ده أنا حظي من السما إن أنا وأنت قاعدين سوا، ده اليوم إللي بعيشه معاك عندي بباقي السنة، ده أنا حظي من السما إن أنا وأنتي قاعدين سوا، ده أنا عيني لما تكون شايفاك بتشوف الباقي هوا.
أحمد سعد يطرح أغنية “همشي باي باي”
وفي وقت سابق طرح الفنان أحمد سعد أغنية “همشي باي باي”، بمشاركة شقيقة عمرو سعد، والفنان محمد هنيدي، وحل الفنان محمد هنيدي ضيفًا بـ برنامج “بيت السعد”، في الحلقة الثالثة.
كلمات أغنية “همشي باي باي”
هروح مكان بعيد، وهقضي يوم جديد، عندي النهاردة عيد، أنا هلعب وأضحك وههزر، محتاج أغير مكان، وأعيشلي يومين جنان، وهأمن ع الأمان، ودماغي المشغولة أفضيها، أنا همشي باي باي، أنا همشي باي باي، أنا همشي باي باي، أنا زي زمان، وأحسن كمان، مزاجي حلو لسه زي مانا، أنا في التمام، ظابط الكلام، بروح وباجي من هنا لهنا، أنا زي زمان، وأحسن كمان، مزاجي حلو لسه زي مانا، أنا في التمام، ظابط الكلام، بروح وباجي من هنا لهنا، أنا همشي باي باي، أنا همشي باي باي، أنا همشي باي باي، محتاج أغير وشوش، وأعيش إلى معشتهوش، وإلى أنا معملتهوش هعمله وأخربها وأقضيها، هقضي يوم طويل، وهيبقي يوم جميل، لو يسأل عني مين، قولوله أنا هرجع متأخر.
أحمد سعد وعمرو سعد يطرحوا أغنية “الكيميا راكبة”
وجدير بالذكر أن الفنان أحمد سعد وشقيقة عمرو سعد حققوا نجاحًا كبيرًا بعد طرح أغنية “الكيميا راكبة”، وهي من كلمات منة القيعي، وألحان إيهاب عبد الواحد، وتوزيع إيهاب كلوبيكس.
كلمات أغنية “الكيميا راكبة”
الكيميا راكبة، والسمعة سابقة، لو كانت مسابقة احنا الأوائل، أخلاق أوروبا أيوه أحنا نخبة، ودماغنا هوبا بخته إللي جاوب، لما أحنا كنا كانوا غيرنا نونة، جايين بطولنا ومفيش جمايل، شافونا مرة قالوا أنبهرنا، برة المقارنة مالناش بدايل، مننا فينا السعد بينا أسال علينا قبل المشاكل، واصلين لحتة مش أي حتة وبأي خطة أحنا التقايل، لما أحنا كنا كانوا غيرنا نونه، جايين بطولنا ومفيش جمايل، شافونا مرة قالوا أنبهرنا، برا المقارنة مالناش بدايل.
