محمد صبحي: "أنا مش قس ولا شيخ ومعنديش مشكلة في البوس والأحضان"
تحدث الفنان محمد صبحي عن تجربة المشاهد الساخنة في الأعمال السينمائية، وذلك في إطار الجلسة الحوارية التي أقيمته له ضمن فعاليات المهرجان القومي للمسرح المصري برئاسة محمد ياضز
محمد صبحي يتحدث عن المشاهد الساخنة في الأفلام
رصدت كاميرا موقع الأيام المصرية، بتصوير المراسلة ميار الوصيف، آراء محمد صبحي في تقديم مشاهد ساخنة في الأفلام السينمائية، وذلك في إطار ماستر كلاس خاص به في المهرجان القومي للمسرح.
وقال صبحي: "شوفت أفلام كلها بوس، ده إحنا لو كده كنا عدمنا الناس اللي شوفناهم بيبوسوا في السينما، أفلام كتير كان فيها أحضان وبوس وحاجات تانية، يا لهوي ده أنا المشهد الوحيد اللي عملته ومبوستهاش والله، الموقف كوميدي إنها توهمه إنه عامل حاجة معها، ويجيبوا الصور ويقولوا شوف على أساس إنها فضيحة كبرى، فيا اخوانا أنا لا قس ولا شيخ، ومش ضد ده على فكرة، مش ضد ده، هند رستم وشادية كلهم اتباسوا والله".
وتابع: "إحنا كنا بنضايق بس على الموجة اللي قامت على تقديم ده بس، يعني الفيلم مفيهوش غير ده، وقتها نتكلم ونقول، زي فترة أفلام المقاولين وغيره، إنما السينما حسب المناخ الموجود ايه، هتبص مثلا للوقت اللي اتقدم فيه الكرنك وأبناء الصمت، كان بعد حرب اكتوبر فكان لازم يتعمل ده".
واضاف: أنا في فترة من الفترات انا كنت بطلت فيها مسرح، كانت أدواري وقتها اغلبها تراجيدي، حاولت اعمل اللي عملته في المسرح، مفيش مسرحية إلا وكان أساس الكوميديا فيها تراجيديا، الموضوع تراجيدي لكن النتيجة كوميديا، لذلك التراجيكوميدي من أعظم الأعمال اللي بيقدمها الفنان".
واختتم حديثه: “نستطيع أن نقول عن ممثل هو ملك السينما أو ملك المسرح أو ملك التلفزيون أو ملك الكوميديا وغيره”.
