محمد صبحي: “اللي مليهومش لازمة كتير وراكبين عربيات”
تحدث الفنان محمد صبحي، عن الحركة النقدية الفنية في مصر، وذلك في الماستر كلاس الذي يقام له على هامش فعاليات الدورة الـ 17 من المهرجان القومي للمسرح المصري برئاسة الفنان محمد رياض.
محمد صبحي يتحدث عن أزمتي الفن والنقد
رصدت كاميرا موقع الأيام المصرية، بتصوير المراسلة ميار الوصيف، الجلسة الحوارية للفنان محمد صبحي، بمهرجان القومي للمسرح، وقال “صبحي”، إنّ المناخ الفني السليم، هو الذي يخلق فنانًا جيدًا وحركة نقدية جيدة.
وأضاف “صبحي”، أن المناخ الفني ليس مطالب أن يخلق حركة نقدية، وتابع: "لو روحت أي دولة كده مفيهاش فن خالص، بس فيها نقاد، أو ما هيطلع شعاع كده هيشاوروا للمشاهد عليه أو يمنعوه، فيقدروا يخلقوا مناخا فنيا، إنما الفن مش مضمون إنه يخلق حركة نقدية".
محمد صبحي يرفض تلقيبه بفنان
وتابع: "أسف جدا، بس للأسف إحنا فقدنا كتير جدا، ويمكن أنا كلمت دكتور أشرف زكي مرة كدة وقولتله ممكن أبقى عضو نقابة بس استغنى عن لقب فنان، لأن لقب فنان امتهن، أنا آسف إن بقى فيه كتير جدا ملهمش علاقة بهذه الجملة ولا إبداعية ولا ملكات ولا أي شيء، بيحققوا المؤامرة الكبيرة اللي هي عصر التفاهة".
واستكمل:" بيشتغلوا على إزاي يعلموا ولادك التفاهة، عايزه أقولك اللي بيعملوا التفاهة دول عندهم 3 عربيات و4 وأنت لسه مش عارف تجيب عجلة ومش عارف تاكل، فيقولك لا ده طموح الجيل ده هو اللي بيتقدمله، قالك لازم نغنيهم بالثروات والمادة، علشان يقولك أنا عايز ابقى زي دول أسرع، ودمروا قيمة الإنسان وقيمة الفنان، انا بحب أي محمد صبحي، ولا يسبقه لقب فنان".
أزمة محمد صبحي والمتحدة الأخيرة
جدير بالذكر، أثيرت أزمة بين الفنان محمد صبحي والشركة المتحدة للخدمات الإعلامية، بعد أن وجه الفنان أصابع الاتهام للشركة بأنها تعمدت عرض مسرحيته “عيلة اتعمل لها بلوك” في أوقات غير مناسبة، مما تسبب في عدم تحقيقها رواجا كبيرا بين الجمهور.
